Повик за ангажирање на обучувач за одржување
на 2 работилници за претприемништво

за потребите на проектот

„ Поддршка, промоција и развој на женско претприемништво“,

финансиран од Министерство за економија

 Скопје, 08.01.2020

Инструкции за понудувачи

1. ВОВЕД

Здружението на бизнис жени ЗБЖ со седиште на ул.Илинденска бр. 42/4, 1000 Скопје (Нарачател), кое го спроведува проектот ,,Поддршка, промоција и развој на женско претприемништво “, за спроведување на проектните активности објавува Повик за ангажирање на обучувач за одржување на 2 работилници за претприемништво.

2. ОПИС НА ПОТРЕБНИТЕ УСЛУГИ

Здружението на бизнис жени има потреба од ангажирање на 1 обучувач за одржување на работилници на тема “Современи текови во бизнис моделирањето”.

Целната група на обуките се девојки и жени претприемачки, од 2 плански региони (Североисточен и Полошки регион), односно во следните 2 града/локации – Куманово и Тетово.

Ангажманот на обучувачот за обуките е во времетраење од 2 дена (по 8 часа) за одржување на обуките, во 2 наведени локации.

Термините за работилниците ќе бидат:

Куманово – 06.02.2020

Тетово – 07.02.2020

Организацијата на обуките, вклучувајќи логистика, обезбедување учесници, промоција и др. е обврска на нарачателот.

Работните обврски на обучувачите ќе бидат:

• Подготвување на работни материјали за обука според насоките на нарачателот, односно избраната едукативна програма за “Современи текови во бизнис моделирањето” со посебен осврт на претприемништво – можности и придобивки, зелена економија и циркуларна економија.
• Одржување на 2 обуки, за најмалку 40 учеснички, од минимум 8 часа.

3. ПОТРЕБНА ДОКУМЕНТАЦИЈА ЗА АПЛИЦИРАЊЕ

При аплицирањето кандидатите треба да достават:

• Програма
• Методологија
• Биографија (CV)
• Листа на референци
• Цена на чинење на услугата (бруто сума со вклучен персонален данок)

4. КРИТЕРИУМИ ЗА АПЛИКАНТИ

Апликантите мора да ги исполнуваат следниве критериуми:

• Високо образование;
• Широко стручно познавање за темата;
• Искуство со сличен ангажман / препораки.
• 5. ПРОЦЕДУРА ЗА ПРИЈАВУВАЊЕ

Апликантите треба да достават комплетна понуда со сите барани документи на е-маил contact@abw.mk  најдоцна до 14.01.2020 год., вторник, со назнака Апликација за обучувач за одржување на 2 работилници за претприемништво.

Некомплетни понуди или понуди испратени по предвидениот рок нема да бидат земени предвид.

6. ИНФОРМАЦИИ

Повеќе информации може да бидат побарани на 02 / 314 0703 или на е-маил  contact@abw.mk .